Afrikaans

In die Skrif word baie tyd aan die geboorte, karakter en finale bestemming van hierdie twee stede toegewy – die een lynreg in teenstelling met die ander. Hierdie stede is JERUSALEM en BABILON. Hulle word 1 097 keer in die Skrif genoem (Jerusalem 811 keer en Babilon 286 keer). Die een is YHWH se stad wat Hy liefhet, en die ander is Satan se stad wat hy uitbuit in ‘n poging om alles wat GOED is, omver te gooi.

Aangesien hierdie stede byna van die begin van die Bybelse tyd ‘n belangrike rol in wêreldsake speel, en in persoonlike, nasionale en internasionale konflik voorkom, betaam dit ons om van naderby te kyk wat die Skrif oor hulle sê. Hulle het op een of ander manier ‘n betekenisvolle impak op elke aspek van ons lewens, of ons dit wil erken of nie.

Mislukkings, hetsy persoonlik of ander, is seker een van die mees ontmoedigende ervarings wat ‘n mens kan beleef. Daar is ‘n onderliggende geestelike konflik wat mens moet verstaan as jy die pynlike herinneringe van vorige mislukkings  effektief wil bekamp en dié leuenagtige aantuigings wat daarmee gepaard gaan, is ‘n onheilspellende wapen wat die vyand teen ons gebruik om ons te probeer vernietig.

As ‘n mens wil leer hoe om oorwinning oor die aanslag van die vyand op hierdie gebied te verkry, is dit belangrik dat ons ‘n stewige fondasie van waarheid lê. Hierdie boustene van waarheid is sorgvuldig in die Ou Testamentiese geskiedenis van Israel uitgelê. Jesus en al die apostels bevestig hierdie kragtige beginsels deur hierdie stukkies waarheid gereeld uit die Wet, die Profete en die Psalms aan te haal en uit te lig.

Die woestyn is die voorste linie waar die koninkryke van lig en duisternis in ‘n hewige geveg betrokke is. Dit is uiteraard ‘n plek wat ‘n mens graag wil vermy. As daar geen ander keuse is nie, moet ʼn mens dit maar probeer verduur. Maar om dit te begeer … daarna te verlang … dit te koester?!

Dit is egter juis in hierdie woestyn waar mens die mees hartstogtelike woorde van liefde ooit hoor. Hierdie boek is geskryf om as bemoediging en rigtingwyser te dien vir daardie individue of nasies wat hulle in ‘n tyd van diepe onrus bevind.

Hoséa 2:13 “Daarom, kyk, Ek sal haar lok en haar in die woestyn lei en na haar hart spreek.”

As inleiding herhaal ek ‘n gedeelte van die laaste deel van Boek 9 omdat dit as inleiding dien vir hierdie boek, Boek 10. In Boek 9 – Die herstel van alle dinge, het ons Christus se duisendjaar-heerskappy op die aarde behandel. Die tydperk is verseker een duisend jaar soos wat die volgende Skrif aandui. Tydens hierdie duisend jaar-tydperk sal die duiwel en sy demoniese magte, volgens die Skrif, toegesluit wees en sal daarom die aarde se bewoners nie meer kan versoek nie. Die opstand aan die einde van die duisend jaar sal dus die harte van die mense wat teen YHWH en sy volk in opstand kom, openbaar. Die volgende Skrifgedeelte hanteer hierdie onderwerp:

Open 20:3 “… daarna moet hy [die duiwel] dan ‘n kort tydjie ontbind word.”

20:5            “En die ander dode het nie herlewe totdat die duisend jaar voleindig was nie …”

Oor een ding kan ons seker wees, dat daar vir dié wat tot sterwe kom, geen meer kans is om te verander of hulle te bekeer nie. Die Skrif sê:

Heb 9:27 “En net soos die mense bestem is om eenmaal te sterwe en daarna die oordeel.”